Mən elmin şəhəriyəm, Əli onun qapısıdır, kim şəhərə daxil olmaq istəyirsə, qapıdan gəlsin. 

Məhəmməd Peyğəmbər (s).

1- Rəsuli-Əkrəm (s) buyurur: “ Alimlər və elm öyrənənlər savabda şərikdirlər, başqaları isə xeyir və səadətdən məhrumdurlar”

2- Yenə o Həzrət (s) buyurur: “ Hər kəs məlumatı olmadığı şeylərdən xalqa fikir söyləyib fitva versə, dinə edəcəyi xidmətdən çox zərbə vurmuş olar”.

3- İmam Əli (ə) buyurur: “ Hər insanın qiyməti onun elminin dəyəri qədərdir. ( Hər sənətkarın dəyəri bildiyi peşə, sənət qədər- təbibin dəyəri sağlamlığın əhəmiyyəti qədər, müəllim və ruhaninin dəyəri isə cəmiyyətdə elm öyrətməyi, düz yol göstərməyi qədərdir)”.

4- Məhəmməd peyğəmbər (s) buyurur: “ Elm Allahın Yer üzərində qoyduğu əmanət, alimlər isə Allahın elminin əmanətdarlarıdır. Hər kəs öz elminə əməl etsə, həqiqətdə əmanəti layiqincə sahibinə qaytarmış olar”.

5- İmam Baqir (ə) buyurur: “ Elm öyrənməyə çalışın, çünki elm öyrənmək gözəl əməl, onu axtarmaq isə ibadətdir”.

6- İmam Əli (ə) buyurur: “ Elm öyrənmək üçün səy edənlər Allah yolunda cihad edən şəxs kimidir”.

7- İmam Sadiq (ə) buyurur: “ Elm kəsb edin və onunla birlikdə vüqarla zinətlənin. Elm öyrətdiyiniz şəxs qarşısında isə təvazökarlıq edin”.

8- İmam Sadiq (ə) buyurur: “ Hər kəs elm öyrənib ona əməl etsə və Allahın rizası üçün başqalarına öyrətsə, asimanların mələkut aləmində əzəmətlə yad edilər”.

9- Rəsuli-Əkrəm (s) buyurur: “ Dünya və axirət elm ilə yanaşıdır”.

10- Allahın Rəsulu (s) buyurur: “ Elm öyrənən şəxs gündüzlər oruc tutan, gecələri isə səhərəcən ibadətlə keçirən şəxs kimidir.İnsanın öyrəndiyi bir elm toplusu Əbu Qudeys dağı qədər qızılı, malı olub onu Allah yolunda ehsan etməsindən daha fəzilətlidir”.

11- İmam Zeynəl-abidin (ə) buyurur: “ Əgər insanlar elm kəsb etməyin necə boyük dəyəri oduğunu bilsəydilər, onu hətta qanlarınıaxıtmaqla və tufanlı, dalğalı dənizləri yarmaqla belə kəsb edərdilər”.

12- İmam Əli (ə) buyurur: “ Həqiqətən dinin kamalı elm öyrənmək və ona əməl etməkdədir. Agah olun ki, elm kəsb etmək həqiqətdəsizin üçün mal-dövlət qazanmaqdan daha vacibdir”.

13- İmam Həsən (ə) buyurur: “ Öz elmini başqalarına öyrət və çalış ki, digərlərinin də elmini öyrənəsən”. ELIZBAR YUSIFZADE.