Lenin yəhudi imiş

Moskva Tarix muzeyi bu faktla bağlı sənədləri sərgiyə çıxarıb

Rus inqilabçısı, publisist, SSRİ-nin qurucusu Vladimir İliç Ulyanov (Lenin) yəhudi imiş. Moskva Tarix muzeyində Leninin yəhudi köklərinə mənsubluğuna dair sübutlar sərgilənib. Rusiyalılar uzun müddət Leninin yəhudi olması ilə bağlı yayılan söz-söhbətdən sonra ilk dəfə olaraq müvafiq sənədlərlə tanış olacaqlar. Bu barədə Amerikanın “The Washington Post” qəzeti “Associated Press”in adı çəkilməyən əməkdaşına istinadən yazıb. 

Agentlik yazır ki, Moskva Tarix muzeyində Lenin haqda bu yaxınlarda üstü açılmış onlarla sənədlər sərgilənir. Məqalədə deyilir ki, sənədlərin birində Leninin böyük bacısı Anna Ulyanova yazıbmış ki, ana babaları Ukrayna yəhudisi olub, o daha sonra oturaq həyat tərzindən yaxa qurtarmaq üçün ali təhsil almaq məqsədi ilə xristianlığı qəbul edir. Kasıb Ukrayna ailəsində böyüyüb, xaç suyuna salınma şəhadətnaməsinə əsasən, Jitomirdə doğulmuş Moisey Blankanın oğludur. Bu barədə Anna Ulyanova 1932-ci ildə Leninə yazdığı məktubda ətraflı yazıb. 

Anna İliniçna həmçinin yazıb ki, Lenin hər zaman yəhudilər haqda yüksək fikrə malik olub və çox təəssüf ki, onun yəhudi əslə mənsubiyyəti haqda faktlar ölümündən sonra məlum oldu. 

Sənədlər arasında digər maraqlı məqam isə Anna Ulyanovanın məktubunda Stalindən Leninin yəhudi olmasına dair faktları üzə çıxarmasını xahiş etməsi olur. Sərginin kuratoru Tatyana Koloskovskinin sözlərinə görə, Stalin Annanın bu xahişinə məhəl qoymur və Annaya bu məktubu haqda susmağı əmr edir. 

Lenin bacısının məktubu rusiyalı tarixçilərin əlinə 1990-cı illərin başlanğıcında keçib. Lakin bu sənədlərin həqiqəti əks etdirməsi haqda uzun müddət mübahisələr davam edir. 
                                                                                                                                                                                                                         
ELiZBAR YUSiFZADE.
                                                                       


                          
                                                                                                                                                              

                                                                                                                                      2012-ci ildə bizi nə gözləyir?

Günəşdəki aktivliyin təbii fəlakətlərə yol aça biləcəyi güman edilir

 

Alimlər 2012-ci ildə hansı təbii fəlakətlərin gözləndiyini müəyyən ediblər. Buna səbəb Günəşdə fəallığın artması ola bilər. 2012-ci ildə Günəşdə güclü plazma atılmaları baş verə bilər ki, bu da ABŞ və Kanadada texnogen qəzalara yol aça bilər. Bu barədə jurnalistlərə açıqlamasında Rusiya Elmlər Akademiyasının Kosmik Tədqiqatlar İnstitutunun direktoru Lev Zelyonıy deyib. Onun sözləinə görə, nəticədə yarana biləcək cərəyanlar məişət avadanlıqlarını sıradan çıxara, texnogen qəza və fəlakətlərə gətirib çıxara bilər. 

"2012-ci il aktiv Günəş ili olacaq. Rusiya üçün bu ilin ekstremal olacağını güman etmirəm. Geomaqnit təsirin mərkəzi ABŞ və Kanada olacaq".

 

ELiZBAR AQiLHOS.                                                                                                      

Tiflisdə nümayiş dağıdıldı                  (VİDEO)

Xüsusi təyinatlılar əllərində taxta parçaları olan müxalifətçilərə qarşı su şırnaqlarından, gözyaşardıcı qazdan və rezin güllələrdən istifadə ediblər

“Novosti-Qruziya” agentliyinin məlumatına görə, hazırda Rustaveli prospekti hüquq-mühafizə orqanlarının nəzarətindədir. Gürcüstan parlamentinin yerləşdiyi prospektə hərbi texnika gətirilib və bu gün Müstəqillik Günü münasibətilə keçiriləcək hərbi parada hazırlıq başlayıb.

Təsdiqlənməmiş məlumatlara görə, Gürcüstan prezidenti Mixail Saakaşvili “Azadlıq” meydanında yerləşən Tiflis Şəhər Şurasının binasındadır.

Bu arada isə yerli “Palitra” radiosunun məlumatına görə, Tiflisin ən böyük klinikası olan Quduşalri adına xəstəxanaya nümayiş dağıdılarkən xəsarət alanların gətirilməsinə başlanılıb. Onların sayı dəqiqləşdirilir.

02.39
Tiflisdə mitinq dağıdılarkən müxalifət lideri, keçmiş spiker Nino Burcanadze xəsarət almayıb. Bunu onun özü “Maestro” telekanalına müsahibəsində deyib. “Xüsusi təyinatlıların və Saakaşvilinin bizə qarşı etdiklərini Zaqafqaziya dairəsinin qoşunları və general Rodionov 9 aprel 1989-cu ildə nümayiş dağıdılarkən etməmişdi. O vaxt aksiya iştirakçılarına xilas dəhlizi yaratmışdılar. İndiki hakimiyyət isə bizi güncə sıxışdırdı. Xəsarət alanlar var. Həbslər davam edir”, - Nino Burcanadze deyib.

00.24
“İnterfaks” agentliyinin məlumatına görə, müxalifətçilər arasında xəsarət alanlar var. Müxalifət liderlərinin harada olması barədə məlumat yoxdur.

Qeyri-rəsmi məlumatlara görə, 80-ə yaxın müxalifət fəalı saxlanılıb. Məlumatı “Maestro” telekanalı yayıb. Saxlanıların əksəriyyəti kişilərdir.

Müxalifət liderlərindən Teymuraz Şanşivaşvili iddia edib ki, mitinq dağıdılarkən rezin güllə rejissor Qoqi Kavtaradzenin alnına dəyib. O, yaralıların olduğunu bildirsə də, onların sayını açıqlamayıb.


02.04
“Novosti-Qruziya” agentliyinin məlumatına görə, jüsusi təyinatlılar parlamentin qarşısını müxalifətçilərdən təmizləyiblər. Leysan yağışının altında keçirilən əməliyyatdan sonra müxalifətçilər parlamentin binası qarşısındakı meydanı tərk ediblər və yaxınlıqdakı “Azadlıq” meydanına doğru geri çəkiliblər. Xəsarət lanlar barədə məlumat yoxdur. Lakin müxalifətçilərin toplaşdığı yerə doğru bir neçə təcili yardım maşının getdiyi bildirilir.

RİA “Novosti”nin hadisə yerindəki müxbiri məlumat verib ki, parlamentin binası qarşısında, Rustaveli küçəsində xüsusi təyinatlı dəstələr və polis əməkdaşları toplaşıb. Onlar müxalifətçilərin qurduğu tribunanı dağıdırlar.

01.55
“İnterfaks”ın məlumatına görə, nümayişçilərin dağıdılmasında poilslə yanaşı xüsusi təyinatlılar da iştirak edir. Parlamentin qarşısındakı meydanda baş verənləri “Maestro” telekanalı canlı yayımlayır. Xüsusi təyinatlılar su şırnaqlarından və gözyaşardıcı qazdan istifadə edir. Xəsarət alanlar və saxlanılanlar barədə hələlik məlumat yoxdur.

RİA “Novosti”nin məlumatına görə, müxalifətin mitinq keçirilməsi üçün meriyaya etdiyi müraciətin müddəti gecəyarısı başa çatıb. Müddət başa çatan kimi parlamentin qarşısına yüzlərlə xüsusi təyinatlı, polis maşınları, eləcə də iki zirehli maşın gətirilib. Müxalifət liderləri mitinqi başa çatdırmaqdan və dağılışmaqdan imtina ediblər. Müxalifət lideri, sabiq spiker Nino Burcanadze bəyan edib ki, aksiya heç bir halda dayandırılmayacaq. O, xəbərdarlıq edib ki, əgər hakimiyyət nümayişçiləri zorla dağıtmaq göstərişi versə, müxalifətçilər yalın əllə müqavimət göstərəcəklər. “Sona qədər dayanmağa hazırıq. Hətta, zorakılıq hərəkətləri olsa belə. Biz boş əllə müqavimət göstərəcəyik”, - Nino Burcanadze bildirib. 

01.40
Tiflisdə polis əməkdaşları parlamentin binası qarşısına toplaşan nümayişçiləri dağıtmağa başlayıb. BBC-nin hadisə yerindəki müxbirinin məlumatına görə, polis dəstələri bir ençə istiqamətdən aksiya iştirakçılarını sıxışdırmağa başlayıb.

Müxalifətçilər isə barrikadalar qurublar. Onların əllərində taxtalar, bayraq və plakatların ağacları var. 

Qeyd edək ki, müxalifət Gürcüstanın Müstəqillik Günü münasibətilə bu gün keçirilməli olan parada imkan verməmək niyyətindədir.